АККОР бааһынайдары түмэр

11.04.2019

АККОР түмсүү көҕүлээһининэн кулун тутар 28 күнүгэр Кыргыдай нэһилиэгэр 12 нэһилиэктэн 50-ча бааһынай  Кырбасова А.В. салайар бааһынай хаһаайыстыбатын Кэҥэрэччи учаастагар мустаннар көрдүлэр уонна Анастасия Васильевна үлэтин ыкса билсэннэр кини үлэлэлиир ньымаларыгар үөрэннилэр, үлэлиир программаларын билистилэр.

Көрсүһүү дьыалабыайдык барда. Тыа хаһаайыстыбатын департаменын салайааччыта Иннокентьев П.П.  төгүрүк остуолу салайан ыытта.  Бааһынайдар бу төгүрүк остуолга араас таһымнаах программаларга хайдах үлэлиири сүнньүнэн опыты атастаһыы бэрээдэгинэн кэпсэттилэр.  Республикаҕа биир ынахтан 6000 киилэ  үүтү ыыр кирбиини ситиспит Павел Петрович Шарин бэйэтин баай опытын бүлүү бааһынайдарыгар үллэһиннэ.

 

Бааһынайдар маннык үчүгэй тэрээһиннээх күнү өссө үчүгэйдик өйдүү-саныы сылдьарылар остуол оонньууларыгар: хаамыскаҕа, хабылыкка оонньоон күрэхтэстилэр. Күрэхтэһии кылаабынай судьуйатынан Сергеева М.А. үлэлээтэ.

С.Н.Каратаев - Ырыа Дыгыйар аатынан айар холбоһук норуодунай дьиэтин коллективтара кэлбит ыалдьыттары уруйдаан-айхаллаан  түмүктүүр киэһэни киэргэтэн ыллаатылар-туойдулар. Үөрүүлээх быһыы-майгы ортотугар Бүлүү улууһун тыа хаһаайыстыбатын департаменын салайааччыта Иннокетьев П.П. Бүлүү улууһун тыатын хаһаайыстыбатын сайдыытыгар кылаатын иһин бэлиэни Анастасия Васильевна Кырбасоваҕа  туттарда.

Количество показов: 112


 -