БАЙАҔАНТАЙГА ҮЛЭ ГЕРОЙА ИНТЕРНЕТ НӨҤҮӨ САЙЫЛЫГЫН САЙЫННАРЫА

11.04.2019

Уус Алдан улууһун Байаҕантай нэһилиэгин олохтооҕор, Үлэҕэ Геройа Михаил Готовцев олорор, үлэлиир Убаһалаах сайылыгар үрдүк күүрүүлээх интернет ситимэ киирдэ. Ол туһунан Ольга Шепелева кэпсээтэ.

Ростелеком тэрилтэ уонна бэдэрээччигин үбүлээһиннэринэн, Тандаттан 7 км тэйиччи сытар Россия Үлэҕэ Геройа Михаил Николаевич Готовцев Убаһалаах сайылыгар оптоволоконнай  интернет ситимэ тардылынна. Сөкүүндэҕэ 20 мегабит тургэннээх интернети бэлэх быһыытынан киллэрдилэр.

Михаил Николаевич сүөһү боруодатын тупсарыыга анаммыт үлэтигэр, итиэннэ хаһаайыстыбата сайдыытыгар интернет элбэх кыаҕы үөскэтиэ.

Интернет киириитэ тыа хаһаайыстыбатын бородууксуйатын оҥорон таһаарар хаьаайыстыбаларга улахан суолталаах уонна көмөлөөх буолар. Холобурга скайп-сибээс нөҥүө бэтэринээринэй сулууспа улэһиттэрэ “Меркурий” федеральнай программаҕа хайдах үлэлиири көрдөрдүлэр.

Үлэҕэ чэпчэтии оҥоһуллубутугар Бүтүн Дойду киэн туттар киһитэ Михаил Готовцев уонна кини улахан хаһаайыстыбатын улэһиттэрэ махтаналлар.

Матырыйаал Ulus.media сайтан ылылынна

Количество показов: 296