Дуобакка Россия чемпионатын мэтээллэрэ!

25.04.2019

Москва уобалаһын Покровск куоратыгар 100 харахтаах дуобат классическай программатыгар Россия чемпионатыгар Сахабыт сирин дуобаччыттара үчүгэй көрдөрүүлэри ситистилэр. Дьахталларга Москва гроссмейстера Вера Сергеева оонньообут дуобатчыттарыттан коэффицена ордук буолан Россия чөмпүйүөҥкэтинэн буолла. Эмиэ 12-лии очколаах, иккис миэстэҕэ 13 саастаах Тунаара Федорова (Горнай, Бэрдьигэстээх), үһүс миэстэҕэ Ньургуйаана Азарова (Нам) тигистилэр. Эмиэ Сахабыт сирин дуобаччыттара 11-дии очколаах Наталия Шестакова уонна Сандаара Апросимова 4-5 миэстэлэри ыллылар. Бүтэһик туурга Ньургуйаана Азарова утарсааччытын Анастасия Архангельская диэн Удмуртия дуобаччытын кыраһыабай  эргитии (комбинация) оҥорон олус үчгэйдик кыайда! Эр дьоҥҥо Тааттаттан тардыылаах гроссмейстердар Николай Гермогенов уонна Николай Гуляев, Чурапчыттан Айсен Андреев бириистээх миэстэлэргэ тигистилэр

Бастакы миэстэни ылбыт Вера Сергеева төрөппүт аҕата Сергей Николаевич Горбачев биһиги уолбутун аан дойду 4 төгүллээх чөмпүйүөнүн гроссмейстер Николай Стручкову иккис  эрчийбит тренеринэн буолар .

Саха Өрөспүүбүлүкэтин физическэй культураҕа уонна спорка пресс-сулууспата

 

Количество показов: 125